ஸ்யாம கிருஷ்ண வைபவம்: ஸ்யாமா ஸாஸ்த்ரி கிருதி - ஸ1ங்கரி ஸ1ம்-குரு - ராகம் ஸாவேரி - Sankari Samkuru

பல்லவி
ஸ₁ங்கரி ஸ₁ம்-குரு சந்த்₃ர முகி₂ ¹அகி₂(லா)ண்(டே₃)ஸ்₁வரி
ஸா₁ம்ப₄வி ஸரஸிஜ ப₄வ வந்தி₃தே ²கௌ₃ரி அம்ப₃

அனுபல்லவி
ஸங்கட ஹாரிணி ரிபு விதா₃ரிணி கல்யாணி
ஸதா₃ நத ³ப₂ல தா₃யிகே ஹர நாயிகே ஜக₃ஜ்-ஜனனி (ஸ₁ங்கரி)

சரணம்
சரணம் 1
ஜம்பு₃ பதி விலாஸினி ஜக₃(த₃)வ(னோ)ல்லாஸினி
கம்பு₃ கந்த₄ரே ப₄வானி ⁴கபால தா₄ரிணி ஸூ₁லினி (ஸ₁ங்கரி)

சரணம் 2
அங்க₃ஜ ரிபு தோஷிணி அகி₂ல பு₄வன போஷிணி
மங்க₃ள ப்ரதே₃ ⁵ம்ரு₂டா₃னி ⁶மராள ஸன்னிப₄ க₃மனி (ஸ₁ங்கரி)

சரணம் 3
ஸ்₁யாம க்ரு₂ஷ்ண ஸோத₃ரி ஸ்₁யாமளே ⁷ஸா₁(தோ)த₃ரி
ஸாம கா₃ன லோலே ⁸பா₃லே ஸ(தா₃)ர்தி ப₄ஞ்ஜன-ஸீ₁லே (ஸ₁ங்கரி)

பொருள் - சுருக்கம்

சங்கரீ! சந்திர வதனத்தினளே, அகிலாண்டேசுவரீ! சாம்பவீ! மலரோனால் தொழப்பெற்றவளே! கௌரீ! அம்பையே!
சங்கடங்களைத் தீர்ப்பவளே! பகைவரை அழிப்பவளே! கலியாணீ! எவ்வமயமும் பணிந்தோருக்குப் பயன் அருள்பவளே! அரனின் இல்லாளே! உலகைப் படைத்தவளே!
ஜம்பு பதியுடன் களிப்பவளே! உலகைக் காப்பதில் மகிழ்பவளே! சங்குக் கழுத்தினளே! பவானீ! கபாலம் ஏந்துபவளே! சூலமேந்தியே!
மன்மதனின் எதிரியை மகிழ்விப்பவளே! அகில புவனத்தையும் பேணுபவளே! மங்களம் அருள்பவளே! மிருடனின் மனைவியே! அன்னம் நிகர் நடையினளே!
சியாம கிருஷ்ணனின் சோதரியே, சியாமளா! மெல்லிடையாளே! சாம கானத்தினை விரும்புபவளே! பாலையே! எவ்வமயமும் துயர் களைவதில் ஈடுபாடுடையவளே!
- நலனருள்வாய்.

பதம் பிரித்தல் - பொருள்
பல்லவி
ஸ₁ங்கரி/ ஸ₁ம்/-குரு/ சந்த்₃ர/ முகி₂/ அகி₂ல-அண்ட₃-ஈஸ்₁வரி/
சங்கரீ/ நலன்/ அருள்வாய் (செய்வாய்)/ சந்திர/ வதனத்தினளே/ அகிலாண்டேசுவரீ/

ஸா₁ம்ப₄வி/ ஸரஸிஜ ப₄வ/ வந்தி₃தே/ கௌ₃ரி/ அம்ப₃/
சாம்பவீ/ மலரோனால்/ தொழப்பெற்றவளே/ கௌரீ/ அம்பையே/

அனுபல்லவி
ஸங்கட/ ஹாரிணி/ ரிபு/ விதா₃ரிணி/ கல்யாணி/
சங்கடங்களை/ தீர்ப்பவளே/ பகைவரை/ அழிப்பவளே/ கலியாணீ/

ஸதா₃/ நத/ ப₂ல/ தா₃யிகே/ ஹர/ நாயிகே/ ஜக₃த்/-ஜனனி/ (ஸ₁ங்கரி)
எவ்வமயமும்/ பணிந்தோருக்கு/ பயன்/ அருள்பவளே/ அரனின்/ இல்லாளே/ உலகை/ படைத்தவளே/

சரணம்
சரணம் 1
ஜம்பு₃/ பதி/ விலாஸினி/ ஜக₃த்/-அவன/-உல்லாஸினி/
ஜம்பு/ பதியுடன்/ களிப்பவளே/ உலகை/ காப்பதில்/ மகிழ்பவளே/

கம்பு₃/ கந்த₄ரே/ ப₄வானி/ கபால/ தா₄ரிணி/ ஸூ₁லினி/ (ஸ₁ங்கரி)
சங்கு/ கழுத்தினளே/ பவானீ/ கபாலம்/ ஏந்துபவளே/ சூலமேந்தியே/

சரணம் 2
அங்க₃ஜ/ ரிபு/ தோஷிணி/ அகி₂ல/ பு₄வன/ போஷிணி/
மன்மதனின்/ எதிரியை/ மகிழ்விப்பவளே/ அகில/ புவனத்தையும்/ பேணுபவளே/

மங்க₃ள/ ப்ரதே₃/ ம்ரு₂டா₃னி/ மராள/ ஸன்னிப₄/ க₃மனி/ (ஸ₁ங்கரி)
மங்களம்/ அருள்பவளே/ மிருடனின் மனைவியே/ அன்னம்/ நிகர்/ நடையினளே/

சரணம் 3
ஸ்₁யாம/ க்ரு₂ஷ்ண/ ஸோத₃ரி/ ஸ்₁யாமளே/ ஸா₁த-உத₃ரி/
சியாம/ கிருஷ்ணனின்/ சோதரியே/ சியாமளா/ மெல்லிடையாளே/

ஸாம/ கா₃ன/ லோலே/ பா₃லே/ ஸதா₃/-ஆர்தி/ ப₄ஞ்ஜன/-ஸீ₁லே/ (ஸ₁ங்கரி)
சாம/ கானத்தினை/ விரும்புபவளே/ பாலையே/ எவ்வமயமும்/ துயர்/ களைவதில்/ ஈடுபாடுடையவளே/

குறிப்புக்கள் - (Notes)
வேறுபாடுகள் - (Pathanthara)
² - கௌ₃ரி அம்ப₃ - கௌ₃ரி.

³ - ப₂ல தா₃யிகே - ப₂ல தா₃யகி.

Top

மேற்கோள்கள்
¹ - அகி₂லாண்டே₃ஸ்₁வரி - திருவானைக்கா (திருவானைக் கோயில்) - அகிலாண்டேசுவரி சமேத ஜம்புகேசுவரர் (ஜம்பு பதி). திருவானைக்கா - 1; திருவானைக்கா - 2 .

⁴ - கபால தா₄ரிணி - கபாலம் ஏந்துபவள் - மேற்கூறிய வலைத் தளத்தில், முன்னாளில், அகிலாண்டேசுவரி உக்கிர ரூபத்துடன் இருந்ததாகவும், ஆதி சங்கரர், அம்மையின் காதுகளில், ஸ்ரீ சக்கிரத்தினை, தாடங்கமாக ஸ்தாபித்து, அம்மையை சாந்தப்படுத்தியதாகக் கூறப்பட்டுள்ளது.

Top

⁵ - ம்ரு₂டா₃னி - மிருடன் (கருணையுடையவன்) - சிவன். மிருடனின் இல்லாள் - லலிதா ஸஹஸ்ர நாமம் (564) நோக்கவும்.

⁶ - மராள ஸன்னிப₄ க₃மனி - அன்னம் நிகர் நடை - லலிதா ஸஹஸ்ர நாமம் (47) 'மராளி மந்த₃ க₃மனா' மற்றும் ஸௌந்தரிய லஹரி (91) - காஞ்சி மாமுனிவர் உரை நோக்கவும்.

⁷ - ஸா₁தோத₃ரி - மெல்லிடையாள். இமவானுக்கு, 'ஸதோதரன்' (நூற்றுக்கணக்கான குகைகளை உடையவன்) என்று பெயர். அதனால் 'ஸா₁தோத₃ரி' என்பதற்கு, 'இமவான் மகள்' என்றும் பொருள் கொள்ளலாம்.

⁸ - பா₃லே - பாலை. 9 வயது பெண் - லலிதா ஸஹஸ்ர நாமம் (965) நோக்கவும்.

Top

விளக்கம்
மலரோன் - பிரமன்
ஜம்பு பதி - ஜம்புகேசுவரர் - திருவானைக்கா சிவனின் பெயர்.
கபாலம் - மண்டையோடு
மன்மதனின் எதிரி - சிவன்
சாம கானம் - சாம வேதம் ஓதுதல்

Top

Updated on 26 Apr 2011